Bio

1990 – Leo o meu primeiro libro de maxia.

1992 – O día das Letras Galegas, debuto en público coa miña maxia no Instituto de Viana.

1995 – Escomezo os meus estudos de Enxeñeiro Técnico en Química Industrial en Lugo. Algún día espero acabalos (¡malo será!).

1996 – Este ano é o elixido para estrear o meu primeiro espectáculo: A Maxia dos Soños, unha hora de maxia onde intento darlle sentido os meus soños grazas o ilusionismo.

1997 – Un grupo de magos de Lugo formamos o Colectivo Máxico Waldemar co fin de potenciar a arte da maxia na cidade amurallada organizando ciclos de maxia como foi o “Mes da Maxia” dando como froito o festival Internacional “Lugo Máxico”.

2004 – Nace “15 anos de Tolemaxias“, unha nova montaxe que me leva a percorrer toda Galicia co obxectivo de ilusionar, emocionar e facer soñar espertos ao público. Realizando máis de 500 actuacións.

2006 – Estrease a novo show chamado “Perto de Ti”. Un espectáculo de maxia de cerca. Pequenos obxectos que fan posibles grandes milagres: cartas que toman vida nas mans do mago, moedas que danzan entre os dedos, navallas que cambian de cor cunha soa mirada,… son algunhas das cousas que se poden presenciar nesta hora de maxia en estado puro.

2009 – O día 28 de febreiro estranse no Auditorio Municipal de Narón ( A Coruña) o espectáculo teatral “A Maxia da Santa Compaña”. A Maxia da Santa Compaña é un espectáculo “máxico-teatral” de tipo familiar único en Galicia e no resto do estado español ó fusionar: teatro, maxia, danza, espectáculo de zancudos, artes plásticas e música en directo, cunha historia baseada na cultura, na mitoloxía e na tradición galega. E esta menestra de artes ten como obxectivo final a realización dun espectáculo entretido, divertido, estético, emotivo e, sobretodo, cheo de ilusión e de ilusións. Unha selección de actores e músicos destacados de Galicia cun icon en común, a xuventude, xúntanse nesta obra baixo a dirección de Jose Prieto e o Mago Teto.

2010 – Seguindo coa idea de tematizar os meus espectáculos presento unha nova montaxe, esta vez un show de rua, chamado “O Afiador”. Un espectáculo que xira en torno a unha roda de afiar dos anos 30 herdada dos meus ancestros. Miles de historias e aventuras doutros tempos son postas en escena coa axuda do ilusionismo empregando elementos típicos dos afiadores como son coitelos,tesoiras , navallas e paraugas.

2011 – En agosto regresamos os escearios cunha nova montaxe, neste caso tratase de “As Novas Tolemaxias do Mago Teto”